السلام عليكم ورحمة الله وبركاته

السلام عليكم ورحمة الله وبركاته
وشراكم خاوتي لاباس الحمد لله ان شاء الله راكم بخير
انا مانيش بخير ليوم وش نقولكم وكيفاش نبدى نحكيلكم
المهم انا تخرجت لعام لي فات من لقراية وعندي شهادة تاع مهندس معماري
وش نقولكم البيبان تاع الخدمة كامل مقفولين والله المستعان وين تروح ماكاش خدمة ويخدمو غير لبنات المهم
ليامات لي فاتو خويا شافلي زعمة خدمة في
الصحرى قالك قالك تاع الصحرى يسلكوهم مليح انا قلت الحمد لله المهم نخدم
خير من لقعاد نروح حتى للصومال
لكن وش قالو لخويا قالولو مايقدرش يخدم باللحية لازم ينحيها!!!!!!!!!!!!!
اففف انا كرهت حياتي وقلت مانحيهاش ومنخدمش نورمال
ايا فاتو ليامات وزادو اشهر وانا بلا خدمة كل يوم مقابل مَا في الدار
حتى ليوم لقيت واحد صاحب بابا قالي ارواح دخلني لبيرو تاعو قالي حاب نحكي معاك اهاه اسيدي اتفضل وش حاب
قالي راني هذا وين كنت نهدر مع واحد هو لي حاكم لمينيستار تاع منعرف واش
قالي راني قلتلو عليك باش تروح تخدم بالديبلوم تاعك
قالي بصح راني قلتلو عليك بلي راك باللحية والقندورة
ماقبلش
قالو اواه لازم ينحي اللحية
وكي ينحيها غدوة يجي يخدم !!!!!!!!!!
يعني علاه علاه وش دخل اللحية يا ربي لعزيز
وبدى صاحب بابا يحكيلي في حكاية الايمان
راهو في القلب ونورمال كي تنحي اللحية والهدرات هاذوك وقالي هاذي ضرورة
ومنعرف وشيه وانا نقولو غير هيه
يا خاوتي راني معمر كرهت لمعيشة وكرهت
لقرايا ماوش لوكان بطلت في السيزيام ورحت كاشما نبيع خير من تقرى تقرى على
زهرك ومن بعد يخبطوك لحيوط افففف لاحول ولا قوة الا بالله
جاني ابليس قالي وش فيها نحي اللحية نورمال راك ماتحففهاش سمانة تعاود تخرج المهم نتى اخدم
واحكم بوسط تاعك ومن بعد ساهل الحال بصح
الله غالب منقدرش راني جامي حلقت لحيتي في حياتي ملي كنت صغير وملي بدات
تخرج لحيتي جامي لا حففتها كيفاش علا جال الدنيا نحففها
ومن بعد كي نخمم نشوف روحي 24سنة ودورو لا وباباك مازال يصرف عليك نكره حياتي
حكيت للدار مَا قالتلي لالا ماتبيعش
دينك صح قواتلي ايماني بصح دارو عليا خاوتي قالك نورمال نقص فيها وش فيها
نورمال عاجباتك روحك راك هاك المهم زادو عليا وانا كرهت وفشلت
ربي يجيب الخير واعرة الدنيا واعرة والله العظيم
ربي يستر برك
منقوووووووووول
وانا حايرة كتر على هذا الشخص ربي يعين حاسة روحي رانى في فرانسا
علاش وعلاش
عجبتني حكايتوا اصريت على اني اكتبها في المنتدى
انتظر تفاعلاتكم
السلام عليكم ورحمة الله وبركاته 819121120

السلام عليكم ورحمة الله وبركاته 819121120

جزاك الله خير ا [img]http://www.w7oo

السلام عليكم ورحمة الله وبركاته 375989055

» السلام عليكم ورحمة الله بسم الله الرحمان الرحيم إخواني و أخواتي طلبة الأقسام النهائية بمختلف شعبها المقبلين على اجتياز امتحان البكالوريا أقدم لكم حصريا كتابين متميزين شاملين في التاريخ و الجغرافيا و بالألوان و الصور يحتويان على جميع ما يمكن أن
» السلام عليكم
» الله الله على احلى منتدى
» السلام عليكم عدنا
» السلام عليكم اريد مشااركتكم اليوم بوااجهة الجديد