اعقد وانوي مع البوقالات الجزائرية فوووووووووووورر

باسم الله بديت ..و على النبي صليت ...

اختاروا رقم من 1 _15 من بعد اهبطوا تقراو البوقالة ديااااالكم...ok

..
.
.
.
.
.
.

1*هبط لقاع البحر ، فرّشت زربية ، خرجت لي جنية ، قالت لي واش بيك يا بنية ؟ قلت لها راحوا حبابي و خلاوني وحدانية.

2*طلعت للغابة ، صبت الضّرو يابس ،قتلوا يا ضرو القمر يمشي ولا حابس ، قالي مفرش زربية وحذاه طاوس .

3*يما يما ديريلي تويقة في وسط الحديقة باش نشوف زهرى كي تجيبو ذيك الوريقة.

4*ديديو..ديدو..أنا سعدي مليح ، قنديلي ضاوي ، البنيان إلى بنيتو قع سجالى ، بنياني فوق غرفة و لي يخصني يكملهولي العالي .

5*عسل يا عسل في باقة خضرا ، يا شميمت العاشقين يا قمرا ، حلف سيد الملاح ما يرأس أمر غير إذا جات غزالته باش تكمل الحضرة.

6*الدالية دلات ..و دلّ العنقود ، خلي القمر ينكشف ، والسحاب يذوب ، و خلي لالات النسا تنال المرغوب.

7*الناس تنده بالرجال و الوالي ، وانا ننده بربي العالي .

8*حوم حوم يا حوام ، حوم فوق السطح العالي ، و قول لها يا لالة يا زينة لبنات و خدودها براقة ، و عيونها غرّاقة ، صارت كل القلوب ليها سبّاقة.

9*يا شمس واش بيك ذابلة ، إلا لابيك الزين راني نفكر فيك ، و اذا بيك الزهر ربي ما يتخلي عليك

10* لزّيت لباب الرياض ، الورد عالباب النرجس باسني ، الزهر عنقنى ، و الياسمين ما بغَ يكلمني

11*قطّعت اللحم بيدى و عملت بذور ، و سمعت الكلام بوذنى و عرفت من قالو ، يا قايلين الكلام القبيح واش تربحوا ، أنا طاوس في القصر و انتم خفاش النهار ما يضوالو.

12*جزت على جنية ، قالت لي واش تحوسي يا ولية ، قلت لها مانى نحوّس لا على ما ولا على جاه ، نحوس على من ضيّعت يولي لي .

13*جايز على باب دارنا ، لابس تلمساني ، قتلو يا شيخ بالاك تنساني ، قالى والله ما ننساك ، ونصيبك على ربي جاه و سلطاني.

14*سمعت قر الحمام في قاع السّجنة ، لا من سقاه الما ولا من طاه شعير ، يا قمر ..الحمام يعي و يحن ، وتتعمّر النافورة ، ونعودوا لزمانا كيما كنا .

15*دارنا في الجبل ، مقابلة مكة ، مفتاحها من ذهب ، يشعل ما يطفي . اعقد وانوي مع البوقالات الجزائرية فوووووووووووورر (y)

مشكوورة على توااجدك معنا نورتي المنتدى

merci mnawra b wjoudkm

» النكت الجزائرية تموت من الضــــــــــ
» من التقاليد الجزائرية لإحيــاء ذكرى المولد النبوي الشريف
» من التقاليد الجزائرية لإحيــاء ذكرى المولد النبوي الشريف
» موقف السلطة الجزائرية من الفلم السيء للسول "صلى الله عليه وسلم"