نحيلهم يديهم وذرعيهم وماتنحيلهمش ....

السلام عليكم ورحمة الله وبركاته
اهلا بجيمع ناس عسلة ان شاء الله راكم لاباس وشبعتو كبدة ولحم نحيلهم يديهم وذرعيهم وماتنحيلهمش .... Sheer

اليوم حبيت نحكيلكم على واحد التصويرة ديما نشوفها في الشارع البرا
وين تروح تشوفها في الجزاير كومبلي
ياخوتي انا لحد الساعة ماشفتش مرا ولا شابة بدات تكبار شوي
مش هازة ساك - حقيبة -
ومش اي ساك وحق الله تشوفو تقول طالعة للجبل راح تحارب
في عمرها 15 سنة وهازة ساك
جامعية هازة ساك
شوماج مش خدامة هازة ساك
مزوجة هازة ساك
عازبة هازة ساك
مطلقة هازة ساك
في عمرها 70 سنة هازة ساك
رايحة تحج هازة ساك
تخرج في الروح هازة ساك
والله تحير فيهم تلقاها خارجة باه تشري خبزة وحدة من عند جارهم لاصق فيهم الحيط في الحيط عندو اليمونتاسيون تهز الساك
تروح تعزي تهز الساك
انا والله عييت نفهم وش يهزو في السيكان هاذو
انا واحد من الناس كي نجي نخرج والله جيوبي يكفيو
المفاح في جيب
...الصوارد في جيب
...التليفون في جيب
ولا نخليه في يدي باه يقولو راهو عندو 061
هذا ماكان هههههههههه
يحكي واحد التاجر مول كوسميتيك
قال وحدة وحد النهار جات تقضي عليا حوايج ليها
قال قضات ومن بعد خلصتني وبقات تزيد الدور في الحانوت وتشوف
ومن بعد نسات الساك تاعها في الكونتوار وخرجت
قال انا ما فقتش ولما فقت وخرجت لقيتها خلاص تخبات
قال في الاول هزيت الساك وحطيتو على جنب قلت كي ترجع نمدهولها
قال ومن بعد جاني التوسويس وقلت واش لوكان خلاتلي فيه بومبة
- وبيناتنا ما توسوس مالوالو حب يبرقق برك ولا حب كشما يلقا صوارد ولا ذهب نحيلهم يديهم وذرعيهم وماتنحيلهمش .... Oi-o

نحيلهم يديهم وذرعيهم وماتنحيلهمش .... Oi-o

-
قال لما حليتو وش لقيت
لقيت نص مراية مسكرة ومزنجرة
ولقيت زوج حبات فلوريدا ونص- شينغوم -
هههههههه تاكل بالنص ثاني نحيلهم يديهم وذرعيهم وماتنحيلهمش .... Thumb_up2

قال واحد العشر دقايق رجعت تجري ووجها صفر ما فيهش قطرة دم
راح تبكي قاتلو ما شفتش ساكي وين راهو ساكي يايما نحيلهم يديهم وذرعيهم وماتنحيلهمش .... Crying_1

قال قلت ايييييه هذاك الساك
نص مراية مكسرة وحبات فلوريدا راح تموت
ملا لوكان جا فيه مليار وش دير
والسؤال المطروح هو يعني علاه النسا يحبو يهزو لي ساك وين ما يروحو
يعني هو يعدل مشية تاع المرأة لبرا
ولا المرا لي ماتهزش الساك ناقصةو انوثة
ولا خايفة لا مايخطبوهاش
انا تبالي ولاتلهم حاجة لا ارادية كيما التجربة تاع بافلوف
مع يدق الجرس يبداو الغدد بالافراز
هكذاك هوما
مع يتحل لباب وتلوح خطوة لبرا يبدا ليpول يصوني
ويدوموندي في الساك
ولا وش رايكم ؟؟؟؟؟؟؟؟؟؟

هههه موضوع شيق مطروح وشائع ربما بنضرة متواضعة اقول انها اصبحت عادة حمل الساك لتشبه بالغرب هدا ما كان

يسلمو اختاه
[img]http://www.w7oo

هههههه اكيد منظر والله غير نشوفه مشكوووووورة بارك الله فيك

العفو وشكرا على مروركم

هههه صح كاين منها يا رجاء هدي الظاهرة نتع الساك انتشرت بزااااااااااااااف شكرا على الموضوع